Li l-istudenti jkunu kapaċi jiddistingwu u janalizzaw kif l-istil ta’ ħajja tal-lum sar differenti u aktar kompless minn dak tal-imgħoddi.

Li l-istudenti jispjegaw ir-rwol u l-importanza ta’ gruppi ta’ pressjoni, billi jagħtu eżempji mis-soċjeta’ Maltija u internazzjonali, janalizzaw ir-rwol tal-partiti politiċi f’soċjeta’ demokratika u jiddiskutu u janalizzaw kif titħaddem is-sistema parlamentari f’pajjiżna.

Li l-istudenti japplikaw it-teorija politika għal sitwazzjonijiet reali biex juru kif huma, bħala żgħażagħ, jista’ jkollhom sehem attiv fil-politika ta’ pajjiżhom.

Li l-istudenti jkunu kapaċi jispjegaw kif il-mass midja, l-emigrazzjoni u t-turiżmu jaffettwaw l-istil ta’ ħajja tal-Maltin.

Li l-istudenti juru d-differenza bejn gvern nazzjonali u gvern lokali

Li l-istudenti jkunu kapaċi juru x’inhi soċjetà multikulturali billi jagħtu eżempji prattiċi mill-ħajja ta’ kuljum.

Li l-istudenti juru xi tfisser ekonomija u jispjegaw li qabel l-Indipendenza ta’ Malta ix-xogħol ta’ bosta Maltin kien relatat mal-fatt li Malta kienet fortizza Ingliża u kif żviluppat għal ekonomija diversifikata. Janalizzaw x’kienu l-effetti li ġabet ir-rundown tas-servizzi Ingliżi.

Li l-istudenti jispjegaw l-importanza li fuq il-post tax-xogħol ikun hemm riżorsi umani biżżejjed biex ix-xogħol ikun aktar effettiv.

Li l-istudenti jkunu kapaċi jispjegaw x’inhi immigrazzjoni irregolari, għaliex din isseħħ, u x’inhuma l-effetti tagħha fuq pajjiż żgħir bħal Malta.

Li l-istudenti jispjegaw min huma l-imsieħba soċjali u kif dawn jikkontribwixxu biex ikun hemm ambjent aħjar u esperjenzi aktar pożittivi fuq il-post tax-xogħol.