Ara dan il-video qasir bħala ntroduzzjoni għal-lezzjoni tal-lum.

Għalkemm illum il-ġurnata qed nużaw strumenti diġitali, tajjeb inkunu nafu ftit dwar strumenti tradizzjonali. Dawn l-istrumenti jinżammu fl-Uffiċju Meterjoloġiku li jinsab ġewwa Ħal Luqa. Permess tagħhom, flimkien ma’ għodod atar moderni bħal satelliti tat-temp u radar tat-temp, inkunu nistgħu infasslu rapport u tbassir tat-temp. It-tbassir tat-temp huwa mportanti ħafna sabiex jgħinna nippjanaw il-ġranet tagħna kemm hawn Malta kif ukoll meta nsiefru għal xi btala barra minn xtutna.

Issa ara dan il-video bil-Malti biex tkompli tifhem aktar.

Fil-video rajna erba’ strumenti partikolari: it-termometru, il-pluvjometru, il-pinnur u l-anemometru. Nixtieqek tagħmel ftit riċerka għal strumenti oħra li jintużaw biex isir ir-rapport u t-tbassir tat-temp. Tista’ żżid stampi u nformazzjoni qasira dwar kull wieħed minnhom. Kont taf li kull pajjiż jaqsam l-informazzjoni dwar it-temp ma’ pajjiżi oħra sabiex ikollna stampa usa? Għalfejn taħseb li dan huwa mportanti speċjalment għal gżira żgħira bħal tagħna?

Issa nixtieqek taħdem il-karti tat-taħriġ li hawn anness ma’ din il-lezzjoni.

Wara li taħdmu tista’ tara t-tweġibiet u tkun taf kif mort.